深水埗買布攻略 - mogumogu

深水埗買布攻略! - mogumogu 的 BLOG 2012-11-22 12:10 18753 次閱讀 80 個評論

http://wow.esdlife.com/space.php?uid=25020&do=blog&id=112676

有WOW友叫我帶她們去買布料，當然沒問題啦!

發覺原來有不少朋友想買布但不知深水埗那裡可買得到。

當然現在有偉大的 TAOBAO，但 TAOBAO 買布一點都不便宜。

半碼都要RMB10起!

如果對於不是做開手作，只是想在婚禮上買一點點布做 DIY 的朋友仔來說，似乎不太划算!

深水埗會是一個很好的選擇!

深水埗基隆街有一排鐵皮屋檔仔，專買布料，可散剪。(有些半碼起售) 

當然質素不及布行入面的，或者 TAOBAO，

但如果只是簡單 DIY 手花襟花其實分別不大的。

只要布的花紋 ARM 心水就好!

幸好 GOOGLE MAP 有街道檢視功能! 不用親自去拍照都能清楚教大家去!

去片~~~~~

http://wow.esdlife.com/space.php?uid=25020&do=blog&id=112676

這間我常來逛的，如果你看到一些布沒你想要的顏色，但你想要的 PATTERN。

你可以開口問問，因為其實檔主有很多布沒放到前面來的。

檔口入面都塞滿很多布布，可以慢慢找。

UPDATE:

提提大家，布檔好早收工的。5-6 點就會收檔返歸。

只開星期一至六，星期日不工作。

星期六非常多人行的，如果就ARM 放平日去的話會舒服一點。

.END



手作人入貨天堂-深水埗 地圖公開!!! '職業手作人 Blog 2010年1月15日

http://mylittlethingco.blogspot.hk/2010/01/blog-post.html

這是之前花了一點時間做的資料搜集結果 (2007年的,不過內容依照update!)


簡介:

深水埗係香港嘅配件採購集中地，以衣服飾物配件為主。從地圖可以看到配件採購店舖主要集中在荔枝角道及長沙灣道中間，由楓樹街到欽州街都可以找到配件批發的店舖。長沙灣道外邊的店大部份都是衣服批發，記得轉入內街才會找到配件店!

街道特色:

你可以見到街道是以田字樣交叉連接著，所以很容易尋找街道，而且很方便逛! 但同時因為係田字組合，四當八達，除非一開始你已經知道要去那間店，否則，漫無目的逛的話，就很容易迷失方向了! (尤其是當你看完花look look嘅配件時，一行出店舖，真係唔記得之前行緊邊個方向! <--個人經驗)

店舖特色:

大部份店舖是以批發為主，只有小數以零售為主。如何去區分呢? 你會發現通常水洩不通的店舖都是以零售為主，它們會把配件分了一小包包裝好，打上價錢；批發的店通常不會寫上價錢，因為價錢是以批數數量計算，而且這些店 是office+舖面二合一，你可以見到office的員工忙得不可開交用普通話跟大陸廠談著。要注意的是，有些批發店是謝絕零售的，不過，如果你是買辨 的話就可以買小數量(海鮮價，他說幾多就幾多)，所以有時要懂得扮買手，一般會獲得較好待遇(有時什至會得到免費辦呢!)

珠仔

深水埗最為人所熟悉的非珠仔街莫屬! 位於北河街與南昌街交界的汝州街，人稱珠仔街。大約有幾間專賣珠仔的店，以售買膠珠、木珠、仿真珠為主，買幾多計幾多，DIY人可以隨意配撘，撘到啱先 買~ 有些店是專賣水晶及小配件，水晶有分平貴，較貴的是司華洛奇水晶，平的是其他地方入口的的晶石，買時記得問清楚~~~ 特別要同大家介紹位於汝州街盡頭的"美藝華"，專賣純銀配飾及配件~它售賣的純銀配件比珠仔街的某某店平一半架!!! 買嘢要知"訂"啦~

lace/織帶/服飾配件/鈕扣

上圖紅地區~ 這部份的店舖一般批發零售兩樣都做，買少數量都絕對歡迎~ 喜歡自己做衣服做小包包的話，可以逛逛這些店，一定大有收穫! 有幾間店是推薦的:

大南街的"栢秋"，售賣高級時裝配件~一看店面就吸引我進內，裡面賣的東西較為特別，跟其他店不同，值得一看!

汝州街的"天然美鈕扣飾物珠飾"，售賣天然物料，有背殼、木、石、滕等飾物配件，店舖裝潢亦頗有特色~

基隆街的"紋絲行"及"藝琳"售買的東西差不多，"紋絲行"賣背殼、木、石、滕等飾物配件，"藝琳"主售滕製飾物，有多款滕製手袋~

布

賣布區的店(粉紅區)都是做批發的~一般人應該不可能會買(成巻布呀!) 但它們整間舖都放滿好多好多布版，可以隨便拿，店員一般不會阻止你(他們可能忙著別的事，當然你拿的數量不會多到讓他們留意到你啦~) 布版種類很多，肯定令你目不暇給~用來做小手作是足夠的~ 但若然你需要多一點，例如做衣服，就可以到基隆街的車仔布檔看看，一條街有十多檔左右，以碼計算，一般是幾元一碼~ 除了車仔布檔可以散買布，附近還有一兩間店舖可以散買布的 (好易認，因為這些店唔會有布版拿)!

皮

那裡有數間專賣皮的店舖，一般都沒有漂亮裝潢，從出面看入去是灰灰暗暗的，一片片皮掛起，幾個大叔打大赤立工作~哈哈~都幾驚架~ 不過有興趣真的要入去問問，一般要買一大片，不可以買小片。有些店是專賣皮帶的，可以零售(但價錢係好接近街價law，自己考慮啦)，另外都會賣皮繩，十 至二十元一條三碼~

金屬配件

所有金屬配件店都是做批發~在這裡會發現好多從未見過的小配件，可能是你手袋上的金屬花紋鈕扣都可以在這裡找到! 可是，大部份都不賣少數量，你可以以買辦為由試試看!

其他店舖

行到攰想休息下食下嘢，可以去北河街果邊，有很多小食店(注意，大部份是老店街坊店，裝潢是十分簡陋，但勝在平!) 有間百年老店很值得推薦!! "公和荳品廠"是也~~~~ 之前已經係openrice見到很高的評分!! 終於有機會去試~! 它的豆腐花最出名~好滑好有豆味，不太甜~~ $7一碗~ 有機會行深水埗記得一試!

其他tips:

1) 一定要帶水同消毒濕紙巾，因為附近無乜地方賣飲品無七仔，要返到北河街先有架!! 另外當你周圍睇周圍摸，隻手好快會污糟~~所以 mus t帶消毒濕紙巾!

2) make sure 自己短內唔會去洗手間....因為方圓數哩好難搵到洗手間架!!!

3) 有定心理準備隨時行上數小時! (最好之後唔好約人~~哈~我覺得啦) 因為太多漂亮的配件啦，行到中途要走真係好唔開心~~

4) 有定心理準備隨時要截反提款(都係我覺得)，所以帶多一點cash旁身(唔使幾千蚊嘅~) 因為你唔會發現自己原來可以買到好多嘢，加加埋埋可以好多錢!

4) 它們星期一至五6pm係會準時關門架(好似我地準時打咭走人咁解啫~) 而星期六上午開到兩三點左右，星期日休息~~~  除左珠仔街某幾間會開長時間d (因此它們主打零售) 星期一至日7pm左右關門~方便一般打工仔的時間~

5) 行珠仔街的話，唔好帶太大個袋去...因為真係有好多好多人!! d走廊又窄~ 個袋太大包你走唔到!

6) 行批發店舖的時候，令店員以為你是買手著數會多d~ 通常d買手都一袋二袋，行路沖沖忙忙，手上一個file....到時可以自己留意下! 唔好著到好似行街咁嘅樣(eg 高踭鞋+裙)，以輕便舒適為主~

7) 注意~呢度係無得講價架~

8) 珠仔街果頭d店舖好易計錯數架! 所以買完記得check數!

交通提示:

最方便就係坐地鐵，深水埗地鐵站A2出口，上地面一直向前行，過左馬路就到汝州街，即係珠仔街~

撘巴土的話，一般都係行長沙灣道...如果住旺角方向，落車後要先過馬路過另一邊才對~如果巴士住長沙灣方向，就不用過馬路啦~可以直接轉入橫街行~~

[ 本blog發起人為一名全職手作人，手作人年資2年多(自2008年起)，現擁有自家品牌My Little Thing (www.mylittlething.com) 此blog建立的目的是希望發表一些關於香港手作人想要/需要知道的資料和訊息 如果你都是熱愛手作的香港手作人戓者是希望將來成為一個全職的手作人，歡迎你來到這個blog呀!!希望這裡有你想要的東西，若果有疑問都歡迎留言戓和我聯絡溝通一下:) 如果你有關於手作的資訊想讓其他手作人知道，都可以透過這裡發放的! 一起努力呀!香港手作人!]


仔仔媽咪~

珍珠宮


西九龍中心附近嗰間鐵皮屋度買布架 - 仔仔媽咪 09-3-17

http://www.baby-kingdom.com/forum.php?mod=viewthread&tid=2127115

再唔係你可以去西九龍中心附近嗰間鐵皮屋度買布架!(無記錯係差館對面)嗰度可以買少少都得,仲要好平,不過D布真係要揀過囉,嗰時我讀fashion時,有個同學去咗嗰邊買布,佢都話有D布可能擺得太耐都舊舊地架,但真係好平,細心搵都會搵到心頭好既.

.END2